NAUCETAAT NATAIT

NAUCETAAT NATAIT TAMARMENG ARCAQALRIAMEK CALIANGQERTUT.

CUYAT: Cuyait naucetaat neq'lilartut naucetaam neqkainek uuggun photosynthesis-aakun. Cuyat tegutelartut carbon dioxide-amek ellamek, mermek-llu nunamek, pinirkameggnek-llu akertemek. Photosynthesis-aami cuyat atulartut pinimek akertemek cimiraqameggteggu carbon dioxide-aq meq-llu saarralamun. [neqkaq]

NAUCETAAT: Naucetaat wani ayagniumalartut. Tepaita naucetaat taivkalarait evegtat ciissit-llu naucetaamun. waten piaqameng evegtat ciissit-llu iiqupiim neqkautii sagtelaraat allanun naucetaanun. Tuatnaumariaqan caqelngataruari igtelartut iiqupagkat-llu nauluteng naucetaam ovary-rani. Ovary-iq-llu kinguakun acsaurrluni.

EPULQUT: Epulqut maktat'larait naucetaat nunami. Maaggun-llu ayalartuq meq, allat-llu nutrient-aat nunamek tegumallret. sagcimaaqluteng-llu ayuqenrilngurteggun cuplutgun epulqumi. Cali neqkat taqumallret cuyani atralartut maaggun acilqunun. Tuani cali qemaggcimalartut aturyullerkateng tekilluku.

ACILQUT: Acilqut nayumiqalarait naucetaat nunamun. Meq mineral-aat-llu tegumalartut makut-ggun acilqut-ggun. Amlleret naunrat carrot-aatun qemaggviklarait acilquteng.

IIQUPIIT: Naucetaam ayagniutekaa iiqupagmi uitalartuq. Iiqupiim avga neqkautnguluni avga-llu naucetaam ayagniutekaqluku. Naucetaaq taugaam naumarikan alairluni-llu nunam qaingani, tauna neqkaun iiqupiim atunrirciqaa.

Akula Logo Back to Akula's Main Page

To send questions or comments, please contact Akula Elitnaurvik